إكتفينا
الحق مش عليكم الحق أكيد .. علينا
من قلوبنا كنا نعطى ولا مرة يوم…. إسينا
فاتحين قلوبناعشانكم بالحب إحنا … بادينا
قافلين أنتم بيبانكم مهما عليكم ….نادينا
كنا نزرع الورد ليكم وتحصد الشوك إيدينا
شوفنا الغدر طبع فيكم لحد ما …..إكتفينا
كنتم كل……. حياتنا كنتم أقرب منا …لينا
ولا يوم عنكم بِعدنا للحب مادين .. إيدينا
ما أشتريتم يوم خاطرنا و إحنا ياما أشترينا
لا خونا فى يوم وبيعنا ولا عنكم يوم حكينا
كنتم لينا أغلى أحبة شايلينكم فى ..عنينا
كنا نبنى جسور محبة وتهدوا إللى … بنينا
عِشرة ومودة صونا بالغالى إحنا أشترينا
عليكم بسرعة هونا ورميتوا وما. رمينا
ياما شيلنا فى وجعكم ياما ليكم إحتوينا
ولما زاد يوم متاعكم جينا ليكم ما أحتمينا
إتحملنا كتير قساوة وصبرنا ما . أشتكينا
جروحكم كانت نقاوة وعلاجها ما …. لقينا
ياريتتا أتعلمنا بدرى للقلب كنا … عاصينا
سنين عدت . بتجرى ندمانين على ماضينا
هنسيبكم مع السلامة هنروح مطرح ماجينا
لا عتاب ….. لا ملامة يكفى منكم ما . رأينا
وائل البطراوي
